Серікбол Қондыбай:"Арғықазақ мифологиясы"
2004 жылы басылып шыққан,4 томдық кітап.Антикварлық кітап,тиражы тым аз.
Бұған дейін “Гиперборея: түс көрген заман шежіресі”, “Қазақ мифологиясына кіріспе”, “Қазақ даласы және герман тәңірлері”, деп аталатын іргелі еңбектерімен жұртшылық назарын аударған Серікбол Қондыбайдын “Арғықазақ мифологиясы” атты бұл жаңа еңбегі төрт кітаптан тұрады. “Мифология, миф – ойдан шығарылған қиял емес, - деп жазады автор, ол өткен заманның шындығың бойына сақтап қалған ата-баба сарқыты. Ол өткенді саналы түрде бұрмалаудың, жалғандықтың ескерткіші емес, бірнеше мәрте бүктетіліп, оралып, ақиқаты мен қатесі қатар өрілген, еріксіз шатасудың тозаңының арасында байқалмай қалған ақиқаттың өрім қамшысы”.
Автор осы мифологияны “қазіргімізді, өздеріміздің кім екенімізді (яғни, мұсылмандығымызды) естен шығармай, өткен заманнаң ұмыт болған қабаттарының бетін аршып алуға, естен шыққан Рухты, Киені, Ділді, Танымды еске түсіруге мүмкіндік беретін әдіс” деп біліп, ілгерідегі ақиқатқа жақындай түсуге талпыныс жасайды.
“Арғықазақ мифолгоиясын ең алдымен орташа қазақ оқырманына таныстыруды” мақсат еткен автордың бұл еңбегі мәдениеттану, этнография, фольклортану, жалпы әдебиет, тілтану мәселелерімен шұғылданып жүрген зерттеушілердің де, қалың жұртшылықтың да кәдесіне асары анық. 2004 г.
Мұқабасы:қатты,512 бет.
Кітаптар су жаңа қалпында жақсы сақталған.