«Мен- Сәулемін». Ойды оятатын шығарма.
Меніңше, «Мен- Сәулемін» көп әйелдерге қараңғыдан жол тауып шығарардай сәуле бола алады.Бұлай дейтінім,кітапты оқып шыққаннан соң,аз уақытта-ақ мен өмірлік мақсатымды айқындауға ерекше күш таптым.
Әйел үшін перзентінің ауру боп туылуынан асқан жан азабы жоқ шығар. Сәуленің тұңғышы Дауна диагнозымен туылса,одан кейін туылғанын бауырына басып үлгермей жатып шетінеп кеткен. Одан бөлек қызғаншақ күйеуі бар Сәуле отбасылық зорлық-зомбылықты бастан көп өткерген.
Жайқалып өсіп тұрған гүлді жұлып алып, сусыз біраз күн ұстасаңыз ол солады. Тағы да біраз күннен соң ол қурайды. Ал, қураған гүлдің қайтадан көгергенін,көктегенін көргенсіз бе? Жоқ! Ал,Сәуле қайтадан көктеген гүл.
Автор атақты әнші Мадоннаның «Әйел-ол матаға ұқсайды,одан өте әдемі қымбат көйлек тігуге болады немесе ол матаны есік алдында жататын тряпка етуге болады» деген тұщымды ойын өмірлік ұранға айналдырған. Мен есік алдында жатқан «тряпка» болудан шаршадым. Мен бүгіннен бастап ханшайым боламын деп, өмірін біржолата өзгертуге кіріседі. Ал, Сәуленің қайдан сәуле тапқанын,неден күш алғанын кітабында толық баяндалады.
Мен өмірін өзгертудің,өзін өзгертудің даналық формуласын іздегендерге «Мен-Сәулемін» атты кітапты оқуға кеңес беремін. Кітапқа 87******901 байланыс телефоны арқылы тапсырыс бере аласыз.