2026 жылдың ақпан айында 70000 теңгеге сатып алдым. Жалпы, бұл құрылғыға көңілім толды. Әсіресе ауа сапасын көрсететін және құрылғыны смартфон арқылы қашықтан басқаруға мүмкіндік беретін smart-функциясы ұнады. Play Market-тен VeSync қосымшасын жүктеп алып, смартфонымнан Wi-Fi таратып, ешқандай роутердің көмегінсіз смартфон мен құрылғы арасында тікелей байланыс орнаттым. Бастапқыда ауа сапасы индикаторы тек көк түспен жанып тұрды. Көк түс ауа сапасының өте жақсы екенін білдіреді. Сондықтан ауаның сапасын бақылайтын лазерлік датчиктің жұмысын тексеру үшін құрылғыны автоматты режимге ауыстырып, қауіпсіздік ережелерін сақтай отырып, кішігірім қағаз бөлігін пайдалану арқылы бөлмеге азырақ мөлшерде түтін жібердім. Құрылғының датчигі мұны тез анықтады. Құрылғыдағы ауа сапасы индикаторы көктен қызыл түске өзгерді, ал құрылғы автоматты түрде максималды тазалау режиміне көшті. VeSync қосымшасында да ауа сапасының нашарлағаны көрсетілді. Тек ауа қайта тазаланғаннан кейін ғана құрылғы минималды тазалау режиміне қайта оралды. Бұл лазерлік датчиктің ауа сапасына өте сезімтал екенін көрсетті. Сосын мен бұл құрылғыны ауадағы PM2.5 бөлшектерін ең сенімді өлшейтін Qingping Lite құрылғысының лазерлі датчигімен де тексеріп көрдім. Нәтиже керемет. Ауа тазалағыш 10 сағаттай қосылмай тұрған кезде, Qingping Lite датчигі ауадағы PM2.5 денгейін 12 мкг деп көрсетіп тұрды. Сосын мен ауа тазалағышты қосып, оның тазалау жылдамдығын максимумға қойдым. Qinping Lite датчигінің PM2.5 көрсеткіші 30 минутқа жетер-жетпес уақытта 12 мкг-ден 1 мкг-ге дейін төмендеді. Сонда да максимум тазалауды жалғастырғанда тіпті 0 мкг-ге дейін түсті. Одан кейін құрылғыны ауаны автоматты тазалау режиміне қойдым. Сол кезде құрылғы ең минималды жылдамдықпен де ауадағы PM2.5 денгейін 1 - 2 мкг арасында ұстап тұрды. Осылайша мен Levoit Core 300S құрылғысының Hepa фильтрі ауаны шынымен де тиімді тазалайтынына көз жеткіздім. Ауадағы 99,97 % ұсақ шаң, аллерген және бактерияларды жоятыны дәлелденген. Негізі, Levoit Core құрылғылары Қытайда жасалғанымен, Америкалық бренд есептеледі. Сату себебі : Біз қаладан 10 км алыс жерде, жолдар тегіс асфалт және жолдарда көліктер тым аз болғандықтан ауада шаң мен көлік түтіні аз екенін ауа сапасын өлшегіш құрылғыммен анықтадым. Ауамыз сапасы орташа 15 мкг қалпында. Сондықтан сатқым келеді. Филтрі бар болғаны 2 % ғана жұмсалды, жап жаңа оригинал филтрі 98 % қалпында пакетке тығыз оралған күйінде жап жаңа күйінде тұр. Телефонмен қашықтықтан басқарылады және ауа сапасы телефонда көрініп тұрады. Келіп істетіп сенімді түрде толық тексеріп алуға болады.