Қауіпсіздік ережелері

Бұл жерден сіз OLX.kz сайтында қалай қауіпсіз сатуға және сатып алуға болатынын біле аласыз.

Сіздің қауіпсіздігіңіз біз үшін өте маңызды!

Қалай қауіпсіз сатуға болады?

Хабарландыруда тауарыңыздың барлық кемшіліктері туралы хабарлаңыз - бұл сізді тауарыңызды сатқаннан кейін наразылық туындаудан сақтайды. Есеп айырысудың ең қарапайым жолы - қолма-қол есеп айырысуды таңдаңыз. Қандай жағдай болмасын банк картасының, онлайн-әмиянның дербес деректерін хабарламаңыз, құжаттарыңыздың көшірмесін мүлде жібермеңіз - мұндай ақпаратты бірінші кезекте алаяқтар сұрайды. Тауарды шетелге жібермеуге кеңес береміз.

Қалай қауіпсіз сатып алуға болады?

Сатушымен көзбе-көз кездесіп, тауарды қарап тексере алатын өз қалаңыздан сатып алыңыз. Егер тауардың бағасы тым арзан болса, көп қатемен сипатталған болса, транслитпен немесе шала орысша жазылған болса, абайлаңыз. Банктік картаға біразын немесе толықтай құнын жіберу - алаяқтықтың танымал сызбасы. Еш уақытта шет елге ақша жібермеңіз! Еш уақытта Western Union және басқа да анонимді төлем жүйелері арқылы төлем жасамаңыз.

Алаяқтарды қалай тануға болады?

Жеке мəліметтеріңізді еш уақытта жарияламаңыз - есептік жазба мен электронды поштаның құпия сөзін хабарламаңыз. Кем дегенде 8 таңбадан, соның ішінде жоқ дегенде 1 сан бар қиын құпия сөз ойлап табыңыз. Қауіпсіздік мақсатында құпия сөзді браузерге сақтамауға кеңес береміз. Егер біреу құпия сөзіңізді біліп қойды деп ойласаңыз, оны өзгертіңіз.

Алаяқтықтың сызбасы

Егер сатушы бірнеше бірдей хабарландыру берсе, суреті сипаттамасына сәйкес келмесе, сонымен қатар сізге келген хат аудармашымен аударылған болса, абайлаңыз. Сайттың мекен-жайын мұқият тексеріңіз OLX.kz порталы түрінде егіз-сайттарды жасайды. Егер OLX.kz сайтты ашқан кезде белсендіру кодын жіберу үшін телефон нөміріңізді сұраса, ешқашан оны жазбаңыз! Біз тұтынушыларымызға хабарландыруын ұзарту немесе белсендіруді ұсынатын, телефон нөмірін растайтын, ақылы қызметтерді қолдан дейтін немесе кез-келген басқа да ұсыныстар бар SMS-хабарлама жібермейміз.

Алаяқтардың құрығына түсіп қалсаңыз, не істеу керек?

«Кері байланыс» бөлімі арқылы сайт әкімшілігімен хабарласыңыз. Тұтынушының алаяқтық әрекетін әшкерелейтін толық ақпарат беріңіз (атап айтқанда - түбіртектің, жүкқұжаттың, алаяқтың ақпараттары, телефон нөмірі немесе басқа да деректері бар шоттың электронды көшірмесін немесе суретін), келіссөздеріңіз туралы толық ақпарат беріңіз, сатушымен араңыздағы хат алмасу. Біз сонымен қатар жергілікті полиция бөлімшесіне алаяқтық туралы арыз жазуға кеңес береміз. Сіз хабарласқаннан кейін ресми өтінімнің негізінде біз құқық қорғау орындарына тергеу жұмыстарына қатысты деректерді бере аламыз.