Кешегі қазақтың ежелгі мекені Ұлы Дала, қазіргі Мәңгілік ел - Қазақстан шетсіз де шексіз. Алтайдан Атырауға дейін, Арқадан Алатауға дейін созыла көсіліп жатқан осынау Ұлы даланың жері де Ұлы, тылсым терең тарихы да Ұлы, өскелең ұрпаққа деген Ұлағаты да Ұлы.

Түп-тамыры түркіден тарайтын ортақ Дала өркениетінің ұланғайыр кеңістігінде ежелден бастап-ақ гүлдене қанат жайған бұл мәдени өркениет дамыған.

Қазақ елі, Сөздің киесі мен иесіне орай – алдымен тілге, соңыра ділге, ақырында елге, түбінде ерге негізделген. Шын мәнінде, қазақ сөзге ұстамдығы мен беріктігінен бұрын, Сөз патшалығына бас ұрып, сыйлай да тыңдай да бiлген, сөзге тоқтай да алған халық! Сол арқылы ел мен ердің ойы мен бойында сан ғасырлап сұрыпталып, сомдалып, шыбын жанындай еніп, қасық қанындай сіңген құндылықтар жүйесі қалыптасып шыққан.

Қазақ даласында би болу оңайлыққа түспеген. Оған күрделі талаптар қойылды. Тек «Құдайдың сүйген құлдары ғана» би бола алады деп есептелген.
«Ханда қырық кісінің ақылы болса, биде қырық кісінің ары, білімі бар»-деп есептеген.

Қазақтың атақты билері Төле, Қазыбек, Әйтек билерден қалған сөз дәстүрі ғасырлар бойы үзілген емес. Осы қастерлі мұра, даналық пен қара қылды қақ жарған, әділдіктің айғағы шешендікпен айтылған билер сөзі ұмтылған жоқ.
Айта кетер бір жай: ер құны, жер дауы, жесір дауына байланысты әңгімелер көп сақталған.

Қазақ қоғамының даму тарихында ойшылдардың рухани қызметі басым болған. Халықтық дүниетанымдық идеялары, ұлт тұлғаларының даналығы халық ішінен шығатын ойшылдардың, рухани қасиеттеріне, біліміне тәуелді келетіндігін тарихымыз осылайша дәлелдейді.
Осы тұрғыдан қазақ мәдениетінің рухани негіздерін зерделейтін болсақ, рухани тұлғалардың даналығы, идеялары кейінгі ұрпақтың игілігі үшін тарихта орын алып отырғанғандығын түсіну қиын емес.

Кітап бағасы 5500тг
Тапсырыс үшін сілтемені басыңыз
Басқа жарнаманы көріңіздер
Ватсапқа жазыңыз