"Сөзімді түгел естіңдер, Ұлайы іні-туыстарым, ұрпағым, әулетім, ебтегі, иелігімдегі халқым! Оңымдағы шад, апыт бектер, солымдағы тархат бектер...бұл сөзімді жақсы есіт, мұқият тыңда!"
***
Биікте көк тәңірі, төменде қара жер жаралғанда — екеуінің арасында
адам баласы жаралған; адам баласы үстіне
Бумын қаған мен Істемі
қаған отырған; отырып түркі халқының ел-жұртын қалыптастырған, иелік
еткен.
* * *
Халқына – бегі, бегiне -халқы сенген ел ұзақ жасайды.
* * *
Билеушісі біліксіз елдің жұрты жалтақ келеді.
***
Түркінің қасиетті жер-суының қарғысына қалма!
***
Тәңір жарылқаса – жеңістің жолы ашылады.
***
Бас иесіз- ел тозар.
* * *
Зердесіз қаған ел билесе - сол жаман, әлсіз қаған ел билесе - сол жаман.
* * *
Білмегенге ермеген.
* * *
Жауынды жеңу - бір басқа, жауықпас ету - бір басқа.
* * *
Айбарлы қағанның аты да жау қашырады.
***
Халқын жұтатпаған қаған бақытты.
* * *
Халқын асырау - қағанға парыз.
Тізесі барлар - бүгілер, басы барлар - жүгінер.
* * *
Бек ұлдарың құл болмағай,
пәк қыздарың күң болмағай.
* * *
Ері жоқ елдің күні қараң.
* * *
Қаның судай ақты, сүйегің таудай жатты.
* * *
Тату елге тыныштық пен тоқшылық нәсіп.
***
Бегі мен халқының ынтымағы жоқ жерде, дұшпанының алдауына
сенген, арбауына көнген жерде, інісі мен ағасы дауласқан, бегі менен
қарашасы жауласқан жерде ел елдігінен айырылады.
***
Қағанынан айырылған ел
ғаріп, иесінен айырылған жер – ғаріп.
***
Күшке күш қосылса- құп,
елге ел қосылса-Құт.
* * *
Бөрідей батыл ердің дұшпаны қойдай қырылар.
* * *
Ағасын танымаған
iнi азар, атасын танымаған
ұл азар.
***
Қаруы бар - қалың қолды қақыратар, найзасы бар - қызыл қаныңды
шашыратар.
***
Көктен тәңірі баспаса, жер айырылып жатпаса
кім қорлар қалың
түркі елін?!