Қорғалжын десе есімізге әуелі қоқиқаздар түседі, ол дұрыс шығар, дегенмен, Қорғалжын - тарихы тереңде, кезіндегі, орта ғасырдағы Қазақ хандығы (Қасым хан) дәуірінен басталатын Бытығай қаласынан (қонысынан) бері кешегі Абылай, Кенесарылардың ізі қалған киелі мекен һәм талай талантты-ұл қыздар туған өлке. Айтқандай осы жолы Қорғалжын кентінен 17 км қашықтықтағы батыр қыз Қаныкейдің кешенін көрдік. Оның тарихы да керемет.
Өз басым қай жерге барсам да ол өлкенің тарихы мен табиғатын қатар бағамдаймын.
Ал, Астанадан 130 шақырым қашықтықтағы Қорғалжын қорығына барып, оның бірегей фаунасы мен флорасын көргіңіз келсе, онда менің авторлық турыма қосылыңыз.
Қысқаша айтқанда, 2024 жылғы 20 шілде күні Қорғалжынға бір күндік тур ұйымдастырамыз.
1968 жылы негізі қаланған Қорғалжын қорығы ЮНЕСКО Әлемдік Табиғи Мұра тізіміне енгізілген. Қорғалжын - Қазақстандағы жарты миллионнан астам гектарды алып жатқан қорық аймағы. Мұнда үш жүз елуден астам жабайы жануарлар мен құстар өмір сүреді.
Қорық аумағынан талай жабайы аң-құстарды кездестіретінімізге сенімдімін. Қысқаша айтқанда, көп естігеннен бір көрген артық!
Тур бағдарламасы:
• 8:00 "Каскад" БО жанында жиналу
• 8:30 Экскурсияға шығу
• 10:30 Сапар орталығына бару
• 12:00 Қорық аумағы бойынша көлікте экскурсия жасау
• 13:00 Табиғат аясында өзіңізбен бірге түскі ас
• 17:00 Қалаға оралу
• 20:00 "Каскад" БО қайтып келу.
Тур туралы ақпарат:
Турдың ұзақтығы: 8:00 - 20:00 сағат аралығы
Топ мөлшері: 4-6 турист + 1 жүргізуші + 1 гид + 1 көмекші + 1 жергілікті гид
Маршруттың ұзақтығы: 340-380 км
Өзіңізбен бірге ыңғайлы киім мен аяқ киім, бас киім, күннен қорғанатын көзілдірік, жеңіл күртеше және күн сәулесі мен жәндіктерден қорғанатын крем алу керек.
Тур бағасы: келісім бойынша.
Тур бағасына мыналар кіреді:
• көлік – ыңғайлы машина;
• гид қызметі;
• дүрбі+ұзақтан қарайтын дүрбі;
• қорықтың сапар орталығына экскурсия;
• жеңіл түскі ас;
• қорық аумағына кіру.
Бағдарламада аздаған өзгерістер болуы мүмкін.