Жол-көлік апатын сол жерде тіркеңіз
Авариялық сигнализацияны қосып, белгіні қойыңыз
102 нөміріне қоңырау шалыңыз
Зақымдалған жерлерді, көлік құралдарының орналасуын, жол белгілерін, жол таңбаларын және тежелу іздерін фото және видеоға түсіріңіз
2 қадам. Полиция қызметкерінен құжаттарды алыңыз
Сізге қажет болады:
әкімшілік құқық бұзушылық туралы хаттама;
қаулы (егер шығарылса);
жол-көлік апатының сызбасы және қатысушылардың түсініктемелер
Бұл құжаттарсыз сақтандыру компаниясы да, сот та істі қарамайды.
3 қадам. Сақтандыру компаниясына жүгініңіз
Сіз сотқа дейін жол-көлік апатының кінәлі тұлғасының азаматтық-құқықтық жауапкершілігін міндетті сақтандыру шарты бойынша сақтандыру төлемін алуға құқылысыз.
Маңызды жайт:
сақтандыру компаниясы залалдың бір бөлігін белгіленген лимиттер шегінде ғана өтейді;
төлем келтірілген залалдың деңгейін ескере отырып жүзеге асырылады;
моральды зиян, тауарлық құнның жоғалуы және шығындардың бір бөлігі сақтандырумен өтелмейді.
Сақтандыру төлемін алу сізді жол-көлік оқиғасына кінәлі тұлғадан қалған соманы талап ету құқығынан айырмайды.
4 қадам. Нақты келтірілген залалға мән беріңіз
Бағалаушыға жүгініңіз
Есепте мыналар қамтылуы қажет:
қалпына келтіру үшін жөндеу жұмысының толық құны;
автокөлікті эвакуациялау және сақтау шығындары;
тауарлық құнның жоғалуы;
көлік құралының толық жойылуы (жөндеу жұмыстары экономикалық тұрғыдан тиімсіз болған жағдайда).
Барлық шығындарды түбіртектермен растаңыз.
ЖӨНДЕУ ЖҰМЫСТАРЫ БОЙЫНША МАҢЫЗДЫ ЖАЙТ
Бағалау жүргізіліп, сақтандыру шешімі шыққанға дейін автокөлікті жөндеуге кеңес берілмейді.
Егер жөндеу қажетті болса, зақымдарды тіркеп, барлық құжаттарды сақтаңыз, әйтпесе залал сомасын дәлелдеу өте қиын болады.
5 қадам. Кінәлі тұлғаға сотқа дейін талап қою
Егер сақтандыру төлемі жеткіліксіз болса, кінәлі тұлғаға нақты залал мен алынған төлем арасындағы айырманы есептеген жазбаша талап арыз жіберіңіз.
Хабарламамен және тіркелген хат ретінде жіберіңіз.
6 қадам. Сотқа жүгіну
Егер ерікті түрде өтемесе:
- жол-көлік оқиғасына кінәлі тұлғаға (кейбір жағдайларда автокөлік иесіне немесе жұмыс берушіге) талап арыз беріңіз;
- барлық дәлелдерді қосыңыз, соның ішінде сақтандыру компаниясынан алынған құжаттарды;
- мемлекеттік бажды төлеңіз.
7 қадам. Сот шешімінін орындау
Орындау парағын алыңыз да, оны жеке сот орындаушысына тапсырыңыз.